Мөслим муниципаль район башлыгы, район Советы рәисе Р.Р.Хабипов 

     Р.Р.Хабипов 1963 елның 4 октябрендә Иркутск өлкәсенең Чуиск районы Приудинск авылында туа. Тиздән әти-әнисе туган ягына– Баулы районының Ханверкино авылына кайта.
Монда Ришат сигезъеллык мәктәпне тәмамлап, урта белемне күрше авылда ала. Яшьтән үк үзен яхшы оештыручы итеп күрсәтә, мәктәпнең комсомол оешмасында секретарь була.
Хезмәт биографиясен 1981 елда XII партсъезд исемле совхозда тракторист булып эшләүдән башлый. Армия хезмәтен Монголиядә үтеп, өенә старшина исеме белән кайта. Инструктор, Баулы райком комсомолында оештыру бүлеге җитәкчесе булып эшли.
1980-1990 елларда район бүлегендәге “Союзпечать” тә җитәкчелек итә, шул ук вакытта район элемтә үзәге партоешмасының секретаре дә була. 1990 елда Казан икътисад-финанс институтын тәмамлап, “Финанслар һәм кредит” белгечлеген ала. Район финанс бүлегенең дәүләт керемнәре өлкән инспекторы вазыйфасына билгеләнә. Тиз ара бүлекнең җитәкчесенә әйләнә.
Р.Р.Хәбипов биографиясенең алдагы этабы Казан белән бәйле. Монда ул финанслар идарәсе начальнигының беренче урынбасары булып эшли. Эшмәкәрлек өлкәсендә дә аның тәҗрибәсе бар. 1999 елда аңа Норлат районы һәм шәһәре администрациясе башлыгының беренче урынбасары урыны тәкъдим ителә.
2001 елның декабрендә Р.Р.Хабипов Мөслим районы администрациясе башлыгы итеп билгеләнә. 2002 елның мартында халык депутатларының район советы президиумы рәисе итеп сайлана.
Буш вакытларында кулына баян ала. Өйләнгән. Гаиләсендә 5 бала бар.

Мөслимдә hава торышы